BE.202 Logu no.102
HUHAHOLONGI HO

Ayat 1
Huhaholongi ho gogongku Huhaholongi ho tongtong
Marhitehite pambaenanku Nang sian nasa rohangkon
Ai Ho do sumondangi au Ro di na mate au

Ayat 2
Huhaholongi ho ngolungku Ai Ho do alealengki
Sai naeng tongtong Ho pujionku Saleleng au sinondangMi
Holong mamolin rohangki Di Ho o Jesuski.

Ayat 3
Tung so jumolo Ho hutanda Ro di na hinauliMi
Tung so jumolo Ho huida Ho arta na sumurung i
Na marsak au huhut tungki Dibahen otongki

Ayat 4
Na lilu au huhut mapitung Umbaen na so hutanda Ho
Na sorat au dibaen huusung Sude pardosaonku do
Alai nuaeng mananda do Rohangkinon di Ho

Ayat 5
Mauliate ma rohangku Di Ho na manodangi au
Hupuji Ho, ale Tuhanku Dibaen na tinangkupMu au
Hisar do tondingki dibaen Hutan Ho nuaeng.

Ayat 6
Tongtong ramoti ma langkangku Di dalan hatigoran i
Huhut sai pargogoi rohangku Mangaradoti hataMi
O Sondang sian surgo i Sondangi rohangki

Ayat 7
Huhaholongi Ho tumpalhu Ho Debatangku na tutu
Manang beha parsorionku Ihuthononku Ho burju
Haholonganku Ho tongtong Nang tos pe hosangkon
